Foydalanish shartlari

Kuvonch Academy sayti (kuvonch.uz) va «Kuvonch Academy» Android ilovasi uchun. Yangilangan: 2026-yil 31-oktabr.

1. Xizmat nima

• Kuvonch Academy — matematika va boshqa fanlar bo'yicha mashqlar, testlar, viktorinalar, o'yinlar va o'quv materiallarini taqdim etuvchi sayt. Loyiha muallifi — Mashrapov Quvonchbek.
• Asosiy kontent va o'yinlar bepul va akkauntsiz ochiq. Ayrim qo'shimcha testlar «Pro» obuna bilan ochiladi (4-bo'lim).
• Sayt «qanday bo'lsa, shunday» taqdim etiladi: xizmat o'zgartirilishi, vaqtincha to'xtatilishi yoki bo'limlar olib tashlanishi mumkin.

2. Akkaunt

• Akkaunt ixtiyoriy va Google (Gmail) orqali ochiladi. Akkaunt natijalar, tangalar (Bilimcoin) va Pro holatini saqlash uchun kerak.
• Akkauntingiz xavfsizligi uchun o'zingiz javobgarsiz. Boshqa odamning akkauntidan ruxsatsiz foydalanish taqiqlanadi.
• 13 yoshgacha bo'lgan o'quvchilar akkauntni ota-ona yoki o'qituvchi roziligi bilan ochishi kerak.
• Akkauntni o'chirish — Maxfiylik siyosatidagi tartibda, aloqa orqali.

3. Tangalar va reyting

• Saytdagi tangalar (Bilimcoin ₿) — o'yin ballari; ular pul emas, almashtirilmaydi, sotilmaydi va boshqa odamga o'tkazilmaydi. Faqat sayt ichida (masalan, Pro obunani ochish uchun) ishlatiladi.
• Natija va reytinglar noaniq yoki soxtalashtirilgan deb topilsa (dastur yordamida ball yig'ish, bir necha akkaunt), ular o'chirilishi mumkin.

4. Pro obuna va to'lovlar

• Pro obuna narxi va muddati premium.html sahifasida ko'rsatiladi. Obuna karta o'tkazmasi yoki to'plangan tangalar bilan ochiladi; faollashtirish qo'lda, odatda 24 soat ichida.
• Obuna avtomatik uzaytirilmaydi — muddat tugagach, o'zingiz qayta ochasiz.
• Pulni qaytarish: faollashtirish 3 kun ichida bajarilmasa yoki texnik sabab bilan Pro testlar ochilmasa — to'liq qaytariladi. Buning uchun chek bilan aloqaga yozing.

5. Mualliflik huquqi

• Sayt dizayni, o'yinlar kodi, savollar generatorlari va matnlar Kuvonch Academy'ga tegishli. Kod GitHubda ochiq.
• Ruxsat etiladi: materiallarni darsda, uyda, maktab va texnikumlarda notijorat maqsadda ishlatish, chop etish, manbani (kuvonch.uz) ko'rsatib ulashish.
• Ruxsat etilmaydi: kontentni o'z nomingizdan sotish yoki pullik kursga kiritish, sayt nusxasini boshqa domenda ochish, Kuvonch Academy nomi va belgisidan ruxsatsiz foydalanish.
• Uchinchi tomon materiallari (Desmos, Khan Academy tuzilmasi, Ezop masallari matnlari va h.k.) o'z egalariga tegishli va ularning shartlari bilan ishlatiladi.

6. Taqiqlangan harakatlar

• Saytga, serverlarga yoki boshqa foydalanuvchilarning ma'lumotlariga zarar yetkazishga urinish;
• Viktorina va jamoa o'yinlarida boshqalarni haqorat qiluvchi ism/nik ishlatish;
• Avtomatik so'rovlar bilan saytni ortiqcha yuklash;
• Reklama bloklarini soxta bosish.

7. Javobgarlik chegarasi

• Materiallar o'quv maqsadida tayyorlangan; xatoliklar bo'lishi mumkin — topsangiz, xabar bering, tuzatamiz.
• Sayt rasmiy imtihon (Milliy sertifikat, SAT, IMO) tashkilotchilari bilan bog'liq emas; test natijalari rasmiy baho hisoblanmaydi.
• Kamera va ovoz o'yinlari qurilmada ishlaydi; ularni xavfsiz joyda, atrofga ehtiyot bo'lib o'ynang.
• Saytdan foydalanish natijasida kelib chiqadigan bilvosita zararlar uchun loyiha javobgar emas.

8. Android ilova

Ilova — kuvonch.uz saytini ochadigan qobiq; faqat kuvonch.uz dan yuklab oling. Ilova Play Market'da emas, shuning uchun o'rnatishda telefon standart ogohlantirish chiqaradi; xohlamasangiz, brauzerda «Bosh ekranga qo'shish» bilan bir xil imkoniyatlarga ega bo'lasiz.

9. O'zgarishlar

Shartlar yangilanishi mumkin; yangi sana sahifa boshida ko'rsatiladi. Muhim o'zgarishlar bosh sahifada e'lon qilinadi.

10. Aloqa

Savol va takliflar: aloqa sahifasi · Telegram @miir1999.